Let you go
Nag-iwas ako ng tingin kay Reneesh at hinarap ang girlfriend niya. Malaki pa rin ang ngiti nito sa akin.
"I have to go now," sabi ko at yumuko bago sila tinalikuran.
Kinagat ko nang mariin ang aking pang-ibabang labi para mapigilan ang pag-iyak. Lumabas ako sa ballroom para makalanghap ng sariwang hangin.
Gabi na sa laot at nakakatakot ang dagat. Patawid ang Concordancia sa dagat sa pagitan ng Pilipinas at Cordancia. Bukas ay bababa ang mga bisita na mula pa sa Pilipinas.
Itinali ko ang buhok para pigilan ang pagtangay ng hangin rito. Kahit malamig ay hindi ko iyon alintana.
Ang sabi ko ay hindi na magmamahal at kay Irish na lang ang atensyon ko. Bakit ba ako laging napupunta sa maling tao? Ganito na lang ba lagi ang mangyayari sa akin?
"Bakit ka nandito? Ang lamig kaya
