Hindi ko alam kung anong mukhang maihaharap ko sa pamilya ni Haru. Ako ang dahilan kaya nakaratay ang anak nila ngayon sa hospital bed na walang kasiguraduhan kung magigising pa ba o hindi.
Paglabas namin kanina ni Nazz sa kwarto niya, sinalubong kami ni Ate Shaina para ibalita sa amin na comatose si Haru. Para akong binagsakan ng langit sa narinig. Ang tanging magagawa na lang namin ngayon ay maghintay kung kailan siya gigising.
Hindi biro ang comatose dahil hindi mo alam kung kailan magigising ‘yong tao.
“Are you okay?” humigpit ang pagkakahawak ni Nazz sa kamay ko nang hindi ako sumagot. “Inaalam pa namin kung sino ang nasa likod ng lahat. Tingin ko connected ‘yong nangyari sa mall at sa university.” Dagdag niya.
Sandali akong tumigil sa paglalakad at saka siya hinarap. Nakita ko sa
