NAPABALIKWAS ng bangon si Kathy nang marinig ang sunod-sunod na pagtunog ng doorbell mula sa labas. Mas lalo siyang nataranta nang makita ang oras sa kaniyang relo na nakalimutan niyang tanggalin bago matulog. Mag-a-alas dose na ng tanghali at nakita niya sa bintana na nag-aantay na sa labas ang isang driver at dalawang tauhan ni Dylan na magsusundo sa kanya. Napakamot na lang siya sa ulo nang maalala na hindi niya pala nai-set ang kanyang alarm clock bago matulog.
Tinanghali siya ng gising dahil pagod na pagod siya kahapon at madaling araw na siyang nakatulog. Buong araw kasi siyang naglinis ng loob at labas ng bahay. Dinamay niya rin sa paglinis ang kwarto ni Trixie para matuwa naman ito pagbalik. At pagkatapos niyang maglinis kahapon ay pinuntahan niya ang may-ari ng bahay at nagpaala
