Kasalukuyan silang nakaupo sa tapat ng mahabang mesa na nasa cottage. Handa na ang kanilang tanghalian ngunit wala pa si Daniel at Crissanta kaya hindi pa sila makapagsimulang kumain.
Doon nila piniling mananghalian para mahangin. At para na rin makita nila ang pagbalik ng yate ni Dylan galing port. Doon na rin sila magpalipas ng oras hanggang sa sumapit ang dapit-hapon.
"Bakit ka nakabusangot, Maurice?" Narinig niyang tanong ni Dylan kay Maurice.
"Sama kasi ng gising ko, kuya. Si ate Crissanta kasi kung makagising akala mo naman may sunog na! Kulang na lang buhusan kami ni Jean ng tubig. Ewan ko sa babaeng 'yon!" May halong inis na sagot ni Maurice.
"Maurice, asawa ng kuya mo 'yon! Matuto kang gumalang!" Saway ng Mommy nito.
"Ah basta! Hindi na talaga nakakatuwa! Hindi yata mabuo a
