KASALUKUYANG nakatayo sa terrace na nasa third floor ng bahay si Kathy. Panay ang sulyap niya sa gate kung may sasakyan na papasok. Magtatakip-silim na at handa na ang kanilang hapunan pero hindi pa umuuwi si Dylan galing sa kompanya nito. Tingin niya sa sarili para siyang tanga na nag-aantay ng kanyang asawa na hindi alam kung uuwi ba ito o hindi.
Napakamot siya sa ulo.
Pangalawang linggo na niya sa bahay ni Dylan. Maayos naman at masaya ang pagtira niya dito. Parang asawa siya kung ituring ni Dylan. Kung iisipin kasal at pagtatalik na lang ang kulang sa pagitan nilang dalawa.
Tinutulungan niya si Manang Rosa at Vivian sa mga gawaing bahay at hinayaan naman siya ni Dylan sa kung ano ang gusto niyang gawin. Simula ng unang araw niya dito hindi na siya lumabas. Kung may kailangan siyang
