FAST FORWARD...
MATAMIS ang mga ngiti sa labi ni Kathy habang hawak-hawak ang piping bag na may lamang buttercream na gagamiting pangsulat sa bagong bake na cake. May mahalaga siyang sasabihin kay Dylan at balak niya itong sabihin kung kailan nakaupo na silang lahat sa tapat ng mesa bago kumain para marinig din ng mga kasama nila sa bahay. Handa na rin ang kanilang tanghalian pero hindi niya pa magawang sulatan ng surprise message ang cake dahil baka makita ni Vivian.
Nasa loob pa ng kanyang opisina si Dylan kakaalis lang ng kanyang sekretarya na naghatid ng kanyang pipirmahang papeles. Matagal nang hindi pumupunta sa kanyang kompanya si Dylan. Ang dapat sana'y isang linggo lang na pag-oopisina nito sa bahay ay naging mahigit isang buwan. Pakiramdam niya binabantayan siya nito pero ni mi
