KASALUKUYANG nasa living room si Kathy kasama si Vivian at nanonood sila ng movie. Wala siya ni isang naintindihan sa kanilang pinapanood dahil panay lang ang sulyap niya sa orasan at gate. Nasapo niya ang kanyang dibdib dahil sa kaba at pagkabalisa.
"Iha, dumating na si Dylan" ani ni Manang Rosa.
"Hayyy.. Salamat naman! Kanina pa kasi ako kinakabahan." tugon niya at sinalubong si Dylan.
"Hi!" tipid niyang bati pero nilagpasan lang siya nito.
Napakagat labi siya. Hindi siya pinansin ni Dylan, ni hindi man lang siya nito tiningnan. Nakayuko lang ito at mabilis ang mga hakbang paakyat ng hagdan. Naiwan siyang nakatayo sa entrance door ng bahay at naninibago sa kinikilos ni Dylan. Malakas ang kutob niyang may hindi magandang nangyari.
"Ano'ng nangyari kay Dylan, Iha?" tanong ni Manang Ro
