[Pagpapatuloy...]
"Ano po? Sinong nakita n'yo?" tanong niyang bahagyang nangunot ang noo.
Hindi naman ito nakasagot kaagad at saglit na natahimik.
"Papa, sinong nakita ninyo?" pag-uulit niyang hinawakan ang braso nito.
"Ang mama n'yo, nakita ko na siya," pag-amin nito saka ito napaangat ng ulo at napatingin diretso sa kaniya.
***
Halos 'di naman makahinga si Janice sa lahat ng inilahad ng kaniyang ama. Nagtungo pa siya sa kusina upang makainom ng tubig. Bakasakaling malinawan ang isipan niya sa mga bagay na kaniyang narinig.
Para kasing may kung anong sumisikdo sa kaniyang damdamin ngayon. Parang ayaw niyang paniwalaan na makalipas ng ilang taon ay magpaparamdam ito, pero bakit sa ganitong paraan?
