***
Nauwi sa inuman ang reunion concert ng Sweet Onions. Sa function room ng resto bar, kasama nila ang kanilang malalapit na kaibigan. Saglit na nakipagkuwentuhan sa mga iyon si Janice, ngunit tulad nang madalas, hindi naman siya puwedeng ma-late ng uwi kaya nagpaalam na rin siya.
Sinubukan siyang pigilan ng mga kaibigan, pero hindi siya nagpatinag sa tukso. Matapos masayang kumaway ay lumabas na rin siya ng resto bar. Nakasabay pa nga niya ang grupo nina Direk Gian na mukhang ngayon lang din uuwi.
"Grabe, ang cool mo sa stage, Janice," papuri nina Jin.
"Hindi namin alam na kaya mo rin pala 'yon," pahayag naman ni Roi. "Bakit 'di natin bigyan ng isang buong kanta si Janice sa stage, ano sa palagay n'yo?"
"Tama, deserving siya sa solo," pag
