[Pagpapatuloy...]
"My gosh! Si Papa Nathan nga!" Kilig na kilig ang mga ito at halos 'di magkamayaw sa paghiyaw.
Nakukuliling na tuloy ang tainga ni Janice.
Nalipat ang mata niya sa lalaking kumakaway na sa mga ito na akala mo'y kandidato. Saka pa lang niya napansin ang suot nitong kinapitan ng sariwang itlog.
"Ano ba sa tingin n'yo ang ginagawa ninyo?" pahayag ng lalaki sa napakalambing nitong tinig, na para bang isa itong anghel na sugo ng langit.
Ibang-iba sa karaniwang boses nitong maangas at may bahid ng kayabangan.
Si Nathan ba talaga ito?
Paano?
"Papa Nathan, bakit mo ipinagtatanggol ang babaeng 'yan?" tanong ng isa sa mga babaeng umatake sa kaniya. "Hindi ba sinaktan ka niya?"
Naglabas ng phone ang ilan sa mga ito
