Natigilan ito, pero agad ding nakabawi. "Ano? Wala kong speed dial, ha!" pagmamatigas ni Nathan.
"Eh ano 'yong nasa phone mo kagabi? Sinubukan kong tawagan ang number one mo, pero phone ko ang tumunog?"
"Naku, baka naman lasing ka din kagabi at tinawagan mo ang sarili mo. Masyado kang feeling, kay aga-aga!" singhal nito.
"Hindi ako lasing kagabi! Nagtatrabaho ako at ikaw ang walanghiyang nang-istorbo sa paghahanapbuhay ko," pagganti ni Janice na hinalukipkipan na ito.
"Hoy!" tawag-pansin ng isa sa mga choreo kaya sila parehong napalingon. "Bakit dito kayo nagre-rehearse? Kanina pa kami naghihintay sa main hall, ah?"
***
Kahit nakasunod sila sa choreo, panay pa rin sila sa huntahan. Napapasulyap lang sa kanila ang ba
