“Ibig sabihin… sa akin ang motor na ito?” gulat kong tanong kay PJ nang dalhin niya ako sa parking ng apartment building na tinutuluyan ko.
Pagkatapos kong sabihin kay PJ na gusto kong mag move out at tumira sa pinapaupahan nilang family house dito sa Maynila, pinahakot niya agad ang mga gamit ko sa apartment ngayong hapon. Hindi naman niya kinontra ang gusto kong mangyari. Bagkus ay pinakita pa niya sa akin ang iba ko pang mga gamit na kailangang dalhin katulad nga ng black standard-type motorcycle sa harapan namin ngayon.
“Oo. Natutunan mong gamitin ito a few months ago,” sabi naman niya kaya tumango-tango ako. Inikutan ko ang motor at pinagmasdan nang mabuti bago sinubukang hawakan.
“Pero dahil nakalimutan mo na siguro ito, ibenta na lang natin--”
“Ay teka! ‘Wag naman!” naalarma a
