Manila is the capital city of the Philippines.
At sa lahat ng pwedeng puntahan, ito ang napili ko. Base kasi sa kwento ng mga Valderrama sa akin, umaga man o gabi ay buhay na buhay daw ang lugar na ito kumpara sa lugar namin. Maraming magagandang pasyalang pwedeng puntahan at mga bagong bagay na pwedeng gawin. Kaya nga karamihan sa mga taga-probinsya ay talagang dinarayo ang lugar na ito.
Ayon lang, dahil ang gusto ko lang noon ay makaalis ng bahay at wala akong kongkretong planong naihanda, hindi ko alam kung saan talaga ako pupunta pagdating ng Maynila. Para sa tulad kong sa apat na sulok lang ng kwarto halos umikot ang mundo, noon ko napagtantong masyadong malawak ang Maynila para sa akin.
Tuloy ay pagbaba ko ng bus, nagpalinga-linga ako sa paligid. Sinubukan kong pakalmahin ang sar
