“Love?”
Tulala si PJ habang nakatitig sa papel na hawak. Para bang malalim ang iniisip niya patungkol sa bucket list na kinumpleto ko.
“Uy… Love.”
Hinawakan ko siya sa braso at bahagyang inalog. Dito lang siya bumalik sa wisyo, at parang nagulat pa nang mapatingin sa akin.
“Okay ka lang ba? Anong iniisip mo? May gusto ka bang malaman?” Bumagsak ang kanyang tingin sa sahig. Tuloy ay nagsimula na akong mabahala. “I know you’ve been very supportive… you’ve been there in every bucket list item… Kaya sorry kung hindi ko agad nasabi sa ‘yong hindi para sa akin ang bucket list na kinukumpleto ko. I just really wanted to accomplish them as though they were mine. Ito lang kasi ang naisip kong paraan para pasalamatan si Andy.”
“Paano napunta sa ‘yo ‘to?” malamig ang boses ni PJ at halos lamuku
