May pa-aso na, may pa-bulaklak pa sa ‘kin si PJ.
Dahil dito ay ganadong-ganado akong bumalik sa pagtatrabaho. Being in a good mood, hindi maalis ang ngiti sa labi ko maghapon.
Ang sarap sa pakiramdam kapag nag effort ka para sa taong mahal mo, pero doble pa pala ito kapag naibalik sa ‘yo ang effort na ‘yon – lalo na at si PJ pa ang pinaguusapan dito.
Sinong mag-aakalang may ka-sweetan din palang itinatago sa katawan ang isang Paul James Valderrama? Hindi pala ito isang malaking bato!
“Ma’am, hindi pa ngalay ang panga mo?” nanunuksong tanong ni Jared sa akin. Halos matawa sila ni Dante nang magkatinginan, pero imbes na maasar ay mas lalo lang lumawak ang ngiti sa labi ko.
At mukhang napansin din ng iba ang kakaibang awra ko ngayong hapon kaya naman nakarinig pa ako ng ilang komento ga
