Mabilis ang mga pangyayari, isang araw ay sariwang hangin mula sa malamig na bansa ng Denmark ang nilalanghap ko, ngayon ay nakatakda ng lumapag ang sinasakyan kong eroplano sa NAIA. Hindi naman agad ako nakaalis sa Denmark, nag-antay pa ako ng mga 3 days sa loob ng embassy kasama ang mga TNT o tago ng tago sa Denmark na napaso na ang kontrata at ilan pang mga naakusahang nagnakaw daw sa mga amo nila.
Sa loob ng tatlong araw na iyon ay nasettle na namin ng dati kong amo ang magiging kabayaran ng kasalanan ko sa kanila, ang attorney na lang nila ang nakausap ko. Ang sabi lang naman ay bibigyan na lang daw ako ng amo ko ng tawag kung ano ang hihingin nilang danyos, may pag-asa daw kasi na bigla silang mag-offer na babalik sakanila dahil hindi daw tumitigil ang mga bata sa kakaiyak at kakah
