At dahil nagresign na ako sa maliit na pharmacy na pinagtatrabahuhan ko dahil sa hindi na ko na kaya ang magtrabaho, tumatanggap naman ako ng mga school assignment gaya ng reflection paper, poem at kung ano-ano pang written works ng mga estudyante. Sinisingil ko lang sila ng sapat na halaga para habang nandito ako sa bahay ay may pinagkakakitaan ako kahit papaano, sakto lang na pambibili ko ng dagdag gamit ni baby sa shopee. Minsan ako na din nagbabantay sa tindahan ni Mama, kaya lang dapat magstay ako dito para hindi na ako tatayo at maglalakad. Kahapon ang graduation ng kapatid ko at hindi man lang ako nakadalo, hindi ko na kasi kayang bumyahe.
“Pabili.” Maya-maya ay may tumawag kaya naman napahawak ako sa poste sa gilid ko habang tumatayo.
“Pabili!” ulit-uli ng bibili, napasimangot n
