Nang bumangon ako kinabukasan, ramdam ko pa rin ang bigat ng nangyari kagabi. Hanggang ngayon, paulit-ulit na bumabalik sa isip ko ang mga eksena sa bonfire, lalo na yung laro ng truth or dare. Hindi ko inakalang magiging ganun kakumplikado ang lahat, lalo na sa damdamin ko.
Alam ko naman na may gusto ako kay Diana, pero hindi ko rin maiwasang isipin na alam din niya iyon. Hindi ko lang matukoy kung anong nararamdaman niya tungkol dito. May mga pagkakataon na parang nararamdaman ko rin na may pagtingin siya sa akin, pero kadalasan, pinagtutulakan niya ako palayo—pinagtutulakan niya ako kay Cloudine. Lalo na kagabi, noong napunta sa akin yung dare na humalik sa isang tao, naramdaman ko na para bang inaasahan niya na si Cloudine ang pipiliin ko.
Pero ang totoo? Gusto ko sana siyang halikan
