Pagpatak ng alas otso, nagsimula nang tumugtog ang banda. Ang sweet na melody ng awit ay pumuno sa buong venue. Dahan-dahan na nagsilabasan ang mga magka-date at nagpunta sa gitna para magsayaw. Hawak-kamay, yakap-yakap, at may mga nakangiti habang sinasayaw ang kanilang mga kapareha. Masaya ang lahat, lalo na’t ito na ang huling gabi ng foundation week. Pero si Diana, tahimik lang na nakatingin sa lahat mula sa gilid.
Nasa harap niya si Anna Marie na yakap-yakap si JM. Kita niya kung gaano ka-close ang dalawa. Si Venna naman ay nasa tabi ni Paul, at kahit hindi sila masyadong sweet, halatang masaya sila sa piling ng isa’t isa. Si Maricel at Ryan naman ay panay ang tawanan habang sumasayaw. Si Rosebell at Clent, Richard at Bella, Daniel at Zyra, at si Cloudine at Roel—lahat sila ay nasa g
