Lumipas ang ilang buwan simula noong foundation day. Parang sandaling panahon lang iyon, pero dami na ring nangyari. Sa bawat araw na dumadaan, unti-unti kong nararamdaman na nagbabago ang mga bagay. Pero kung ano man ang mga pagbabagong iyon, hindi ko pa rin lubos na matukoy.
Si Cloudine at Roel, hindi pa rin sila opisyal na magkasintahan, pero ramdam na ramdam ko ang tensyon sa pagitan nilang dalawa. Madalas silang magkasama—sa canteen, sa library, at kahit na sa mga simpleng lakad sa campus. Parang may sariling mundo silang dalawa, pero hindi ko mapigilang itanong sa sarili ko kung saan ako nababagay.
Minsan, habang naglalakad ako papunta sa classroom, napansin ko si Roel sa isang bench sa gilid ng quadrangle. Tahimik siyang nakaupo, parang malalim ang iniisip. Hindi ko alam kung baki
