Maaga siyang gumising kinabukasan para pagmasdan ang pagsikat ng araw sa balkonahe sa silid niya. Maaga niya ring gustong kausapin si Charles tungkol kay Nick at Fiona. Hihintayin lang niya na makaalis si Nick dahil hindi pa siya handang harapin ang asawa matapos tanggapin nang maluwag ang halik ni Fiona kagabi. Ano ba ang inisiip nito? Na nagpapatintero lang silang tatlo? Matapos siya nitong gamitin para pagselosin si Fiona, ngayon ay bumigay na agad ito sa dating kasintahan?
Alas sais y media nang bumaba siya sa komedor dahil natanaw niya ang kotse ni Nick na umalis. Wala roon si Charles. Pinuntahan niya ito sa library dahil doon daw nagtungo sabi ng katulong. Kumatok muna siya bago binuksan ang pinto.
"Camilla." Isinara ni Charles ang libro na hawak nito pagkakita sa kanya.
"Magandan
