Yssabela
PANAY ang paghilot ko sa ulo. Hindi ko alam kung sumasakit lang ba ito dahil sa pag-iisip ko sa mga lalaking pinagkakautangan ni Dad.
Gusto ko na sanang itulog na lamang kaya lang kahit anong pagpikit ko ng mga mata ko, hindi naman ako inaantok at iniinda ko lang din ang pananakit ng ulo ko.
Magkakasakit pa ata ako.
Bumangon ako at kaagad na nalula.
Sa rami rin siguro ng nangyari, ngayon ko lang naramdaman ang pagod kaya ito at mukhang magkakasakit.
Huminga ako nang malalim at lumabas ng kuwarto. Baka may mahanap naman ako na gamot. Naalala ko na may nakita akong medicine box doon sa cupboard.
Bumaba ako ng hagdanan. Patay na ang mga ilaw kaya inisip ko na tulog na si Elia o nasa kuwarto na siya.
Pumunta ako sa kitchen. Binuksan ko ang ilaw at hinanap ang medicine box sa
