Yssabela
TAHIMIK ako nang makauwi sa bahay. Akala ko ay kahit papaano, kontento na ako sa kung anong mayroon kami ni Elia. Bukod pa roon, maayos na naman ang pakikitungo ni Elia sa akin. Kaya bakit…hindi naging maganda ang pakiramdam ko dahil sa sinabi ni Lysander?
Kanina ko pa hinahawakan ang daliri ko. Hindi ba alam ko naman na peke ito? Nakalaya ako sa kaso na dapat isasampa sa akin bilang kapalit nang pagpapanggap ko. I am not expecting anything from this arrangement pero…umasa ba talaga ko na may singsing?
“Stupid!” Sinapo ko ang aking noo matapos kong mapagtanto iyon. “Bakit mo ba iniisip ang sinabi ni Lysander? Ano naman ngayon kung walang singsing? Peke naman ang kasal ninyong dalawa!”
Ngayon ay kinakausap ko naman ang sarili. Tuluyan na ata akong nabaliw.
Nasa penthouse na ak
