"SERENA!"
Nag-angat ng tingin si Serena ng marinig niya ang boses na iyon ni Donna.
At nang mag-angat siya ng tingin at nang magtama ang mga mata nila ay agad itong sa lumapit sa kanya, bakas ang pag-alala sa ekspresyon ng mukha nito.
"Anong nagyari? Okay ka lang ba?" tanong nito sa kanya sa nag-aalalang boses.
"Okay lang ako," sagot niya.
"Iyong totoo?" tanong nito, mukhang hindi naniniwala sa sagot niya.
"Ayos lang talaga ako, Donna," sagot niya. "Pasensiya na at pinasundo kita," mayamaya ay paghingi niya ng sorry kay Donna.
Nagpadala kasi siya ng text message dito na ipapasundo niya ito kay Kuya Calixto para magpunta sa bahay nila. Nang sandaling iyon ay kailangan niya kasi ng kausap, wala kasi si Raven dahil pumasok ito ng trabaho. Gusto na naman nga nitong um-absent dahi
