KANINA pa pinagmamasdan ni Serena si Raven. Simula noong tumawag ang Mama nito at simula noong kausapin niya itong umuwi muna ay napansin niya ang pananahimik nito.
Sinabi nito sa kanya na pag-iisipan nito ang sinabi niya pero mukhang hanggang ngayon ay hindi pa din ito nakakapag-isip. Mukhang nagdadalawang isip itong umuwi. At alam niya ang dahilan nito.
Silang dalawa ni Selena. Hindi sila nito maiwanan doon. Naiintindihan naman niya ito, kung siguro siya ang nasa posisyon nito ay mahihirapan din siya na umalis, baka hindi din siya makaalis unless sumama ang mga ito sa kanya.
At nang pumasok sa isip ni Serena iyon ay may nabuo siyang desisyon. Hindi pa naman mag-uumpisa ang trabaho niya sa kliyenteng ipinakilala ni Ariel. Mag-uusap pa silang dalawa kung ano ang ipapagawa nito. And a
