"MAMA, alis na po ba si Mr. Stranger?"
Bumuka-sara ang bibig ni Serena nang marinig niya ang tanong na iyon ng anak. Kanina pa umalis si Raven sa apartment nila, mga tatlumpong minuto na ang nakakalipas. Nakiusap kasi siya sa lalaki na kung pwede ay umalis na ito dahil natatakot ang anak sa presensiya nito. Pansin na pansin niya ang sakit ma bumalatay sa mga mata nito, pansin nga din niya na nagdadalawang isip itong umalis, pero wala din naman itong nagawa nang makita nitong patuloy pa din sa pag-iyak si Selena. Laglag nga ang balikat nito na lumabas ito ng kwarto at apartment nila.
Sa totoo lang ay nagtataka si Serena sa kinikilos ni Raven. Nagtataka siya kung bakit naroon ito, kung bakit gusto nitong makilala ang anak niya, eh, pinagtabuyan nga sila nito noon.
At higit sa lahat ay
