Toooot. Toooot. Toooot.
Pasado alas kwatro na ng umaga. Maagang nagmulat ng mga mata si Carlo. Ngayon kasi ang unang araw ng pagbubukas ng bakeshop ng kanyang ina na si Susan kaya nais niya itong tulungan bilang pagsuporta dito.
Nag-inat muna ng katawan si Carlo bago ito bumangon sa kanyang higaan. Pagkatapos ay tinungo niya ang banyo upang maligo. Matapos niyang makapag-ayos ng kanyang sarili ay handa na siya na bumaba para tulungan si Tin sa pag-aasikaso. Ngunit bago pa man siya makalabas ng kwarto ay hindi niya sinasadyang mabaling ang kanyang tingin sa may balkonahe.
Ngumiti nang mapait si Carlo habang pinagmamasdan niya ang katapat na kwarto. Madilim at nababalot ng katahimikan ang buong paligid nito.
Apat na araw na ang nakalilipas magmula nang sila ay umuwi galing sa kanilang ba
