Matapos ang mahabang deliberasyon sa kanyang isipan ay sa wakas nakabuo na din ng desisyon si Carlo. Agad niyang isinangguni sa kanyang mga magulang ang tungkol sa nasabing alok sa kanya ni Bullet.
"Kayo na po ang bahala sa pagrenta ng kotse na gagamitin ng mga tauhan sa bakeshop. Ang tanging pakiusap ko lamang po sa inyo ay ihiwalay ninyo kami ni Zoey ng sasakyan." Ang hiling ni Carlo sa kanyang mga magulang. Kasalukuyan silang nag-uusap ngayon sa may sala. Kapwa sabay naman na nagkatinginan sina Delfin at Susan.
"Huwag kang mag-alala anak dahil nakabili na si tatay ng van na magagamit ni nanay mo sa kanyang pang-araw araw na gawain sa bakeshop. Yun na lang siguro ang gagamitin natin para sa mga staff ng nanay mo." Ang sagot ni Delfin sa anak.
Tila hindi naman sumasang-ayon si Susan sa
