Amy
"Sino bang may gawa sa iyo nito, Tita? Bakit hindi ka nag-report sa mga Pulis?"
Pinaupo ko siya at inabutan ng tubig. Mabuti na lang at tuyo na ang pasa niya sa ilalim ng mata. Malalim siyang bumuntong-hininga. Inimom ang isang basong tubig bago ako sinagot.
"Nagkasagutan kami ni Arch at humantong sa nagkasakitan kami." Muli siyang nagpakawala ng malalim na buntong hininga.
Napailing ako. "Hindi mo pa rin ba hinihiwalayan ang lalaking iyon? Hindi siya makakabuti sa iyo, maniwala ka sa akin."
Walang future si Tita sa lalaking iyon kung ipagpipilitan niyang maging sila. Wala naman iyon alam kung di ang magpalaki ng katawan.
Umiling siya sa akin. "Hiniwalayan ko na pero ginugulo niya ako. Sinundan niya ako noong nakaraan at pinipilit sumama sa kaniya. Nanlaban ako kaya nagkasak
