Kabanata 16
"Toto Lay!" sigaw ng tatlong bata nang makitang dumating na ito sa bahay nila.
Lumuhod naman si Silver para salubungin ng yakap at halik ang tatlong batang itinuring na rin niyang kapatid. Hinalikan niya ito isa-isa at ginulo ang mga buhok. Nagtinginan naman ang tatlong bata at tumawa.
"Hi, Ate. Hi, Kuya Blue," pagbati ni Silver nang makita niyang nakatingin ang dalawa sa kanya.
"Hello. Kilala mo pala ako?" takang tanong ni Blue.
"Yes po. Lagi ka po kinukuwento ni Ate sa akin."
Napatingin si Blue kay Katleya.
"Ang sabi ko, demonyo ka!" anang Katleya sabay pisil sa pisngi nito.
"Hindi ako naniniwala." Tiningnan niya si Silver. "Iba, 'di ba?"
Ngumiti lang ito. Sininyasan kasi ito ni Katleya na itikom ang kanyang bibig. Dahil loyal siya sa Ate niya kaya mas pinili nitong
