Inalalayan pa ako nitong makalabas ng sasakyan sa paraang hindi magigising ang bata.
Hapon na ng mga oras na 'yon.
"Mga anak, magpahinga muna kayo at tatawagin ko na lang kayo kapag maghahapunan na," wika ni mommy sa 'min.
Dahan-dahan akong umakyat ng hagdan. Nandoon pa rin siya nakaalalay sa 'kin. Pinagbuksan pa ako nito ng pinto para makapasok sa loob ng kuwarto.
Pagkatapos kung ihiga ang anak ko, masuyong pinagmasdan ko pa ito ng ilang minuto.
Ngunit pagpihit ko paharap para sana magpalit ng damit ng makita kong nakatayo pa rin si Dave malapit sa'min at mataman ang titig nito.
Akala ko kasi pagkabukas nito kanina ng pinto ay umalis na ito.Tulad ng dati na hindi man lang ito tumatagal sa loob ng kuwarto ko. Ngunit naisip ko din kaagad na baka sumunod ito ay dahil nais nitong maki
