Halos mawindang ang puso ni Jade matapos makita ang maputlang itsura ng mommy n'ya. Ang dating masigla nitong katawan, ngayon nakaratay sa hospital bed.
Hindi n'ya lubos maisip matapos na iwanan ang mommy n'ya na akala n'ya ay maayos lang, iyon pala may sakit itong itinatago sa kanila.
Sa ilang araw s'yang nawala, kay laki na nang inihulog ng katawan nito.
Nalaman n'yang may brain tumor ang mommy n'ya at malala na ito, hindi na rin kaya nang gamutan. Sa kasalukuyan may taning na ang buhay nito.
Hindi n'ya sukat akalaing maaga itong mawawala sa kanya. Matapos n'yang balewalain ang mga paglalambing nito sa kanya. Matapos n'ya itong pabalang na sagot-sagutin at higit sa lahat ang hindi n'ya pakikinig dito sa kagustuhan nitong makatapos s'ya ng kanyang pag-aaral.
Nakakadurog ng puso na hi
