“Hindi ba sabi mo break na sila ni Samantha?” tanong ni Joseph kay Aikira nang makapasok sila sa condo.
“Saka mo na ako tanungin ng mga gan’yan, Joseph. Asikasuhin mo muna ang lalaking buhat-buhat mo dahil baka magising ‘yan. Ayaw kong humabol ng isang lalaki sa loob ng building na ito.” Tumungo si Joseph at pinasokna sa secret room ang lalaki.
Ito lang ang naiisip nilang kwarto para itago ang lalaking ito. Hindi naman ito makakalabas o makakawala dahil hihigpitan ni Joseph ang tali ng lalaki. At ilalayo nila ang mga matatalas na sandata na makikita ng lalaki para hindi ito makawala.
Nang matapos si Joseph sa kaniyang ginagawa ay lumabas na siya ng secret room. Nakita niya si Aikira na nakatayo at nakatingin sa labas ng bintana. Kakakita mo pa lang sa dalaga alam mo na na meron
