“Yuki! Kamukha mo nga ‘to,” sabi ni Blue. Ipinakita nito kay Yuki ang picture na nai-share nito. Kumakain silang apat no’n.
“Tingnan ninyo, kamukha ko talaga siya. Ipakita mo sa kanila,” nangingiting sabi ni Yuki.
Ipinakita nito ‘yon kay Takumi at tila nagulat ‘to pero walang naging comment. Tila nga ‘di na ‘to makalunok. Nang ipatingin naman ‘yon kay Ruki ay nangunot ang noo.
“Para palang nakita na kita noon, Yuki,” ani Ruki. “Parang pamilyar siya, pero kamukha mo nga ‘no?” Pinagkatitigan pa nito ‘yon.
Parang lalong nabulunan si Takumi.
“Ipapakita ko ‘yan kay Claude!” Pagmamalaki ni Yuki.
“Yuki, almusal pa lang,” sabi ni Ruki.
Natawa naman sila maliban kay Yuki na napasimangot.
“Kung kumain kasi ‘to parang nasa handaan ngayon, kaya lumalaki ‘yang pisngi mo,” ani Takumi na tila
