Isang matamis na ngiti ang sumilay sa labi ni Art habang pinagmamasdan ang nahihimbing na si Liz na noo’y nakaunan sa braso niya. Marahan siyang tumagilid upang mas titigan pa ang dalaga pagkuwa’y hinawi ang buhok nitong bumagsak sa mukha nito. She’s sleeping like an angel.
“Hmmm,” ungol nito saka yumakap sa kaniya.
Napangiti siya sa sarili bago ito ginawaran ng halik sa buhok. How he wanted to keep her in his arms like this for days!
“I love you, my piggy,” usal niya habang paulit-ulit niya itong binibigyan ng magaan na halik sa ulo.
Pagkalipas ng ilang sandali ay marahan niyang inalis ang pagkakaunan nito sa balikat niya saka ito maayos na inihiga pagdaka’y kinumutan bago siya tumayo sa kama at nagbihis. Kinuha niya ang telepono na nasa bulsa ng pantalon niya saka tinawagan si Gary.
