NAPAMAANG si Art nang nanghihinang napabalik ng pagkakaupo sa wheelchair si Liz.
Sa kabila ng pagkabigla, ay mabilis siyang dumalo kay Liz at pinunasan ng tangan na kumot ang ibabang bahagi ng katawan ng asawa na nabasa.
“A-Are you okay? A-Are you hurt?” puno ng pag-aalalang tanong niya. Inayos pa niya ang pagkakaipit ng buhok nito sa tainga habang mataman niya itong tinititigan.
“Kuya? Ate? Ano pong—” hindi na naituloy ni Rosa ang pagtatanong nang balingan niya ito habang nakakapit rito ang nagtataka ring si Artel.
“We’re fine. Rosa, umakyat na kayo ni Artel, ako na ang bahala rito,” taboy niya sa mga ito saka iniabot rito ang palangganang pinulot niya sa sahig.
“O-Okay po,” alanganing sagot ng dalaga saka nito isinarado ang pintuan ng kuwarto.
Kaagad siyang kumuha ng pamalit na da
