NAPANGITI si Liz nang makita ang lalaking papalapit sa kaniya. Kaagad na tumayo si Matt mula sa kinauupuang pang-isahang sofa nang makita siya nito sa bungad ng pintuan ng café. Kinawayan pa niya ito habang nagmamadali itong humahakbang papalapit sa kaniya.
“Thank you,” pasasalamat niya sa tauhan ng café na nagsulong sa kaniya papunta sa bungad ng café bago ito tumango at umalis nang makita ang paglapit ni Matt.
“Hi,” kiming bati ng binata sa kaniya saka siya tinulungang makapasok sa loob ng café patungo sa kinauupuan niya kanina.
“I’m sorry, masyadong ma-traffic, eh,” paumanhin agad niya rito habang sulong nito ang wheelchair niya.
Maluwag ang café at PWD-friendly, kaya nga ‘yon ang pinipili niyang lokasyon sa tuwing nakikipagkita siya sa mga kaibigan.
“I had fun watching those kid
