'RUSSEL GUEVARRA'
Tahimik lamang ako at hindi mapigilan ang pagtapik ng aking paa sa sahig ng jeep na sinasakyan namin. Kanina pa ako hindi mapakali at ang kaba ko ay hindi na mawala-wala simula noong i-accept ko ang offer ni Jun-jun.
Isa pa itong iniisip ko tungkol kay Jun-jun. Hindi pa kami lubos na magkakilala pero nagtitiwala na kaagad ako sa kaniya.
Sa totoo lang, dapat ay nag-iingat na ako sa mga sinasamahan at pinagkakatiwalaan ko dahil minsan na akong naloko ng pinagkatiwalaan ko pero heto ako ngayon, kasama ang taong hindi ko naman lubos na kilala.
Ang tanging alam ko lang ay isa siyang tar*ntado at g*go roon sa compound, bukod doon ay wala na akong alam tungkol sa kaniya. Ngayon ko nga lang nalaman na sangkot pala ito sa isang grupo na nag-aakyat bahay at gumagawa ng ilegal
