'RUSSEL GUEVARRA'
"Seriously? 'Yon ang request ni Cardo sa'yo?" Hindi makapaniwalang tanong ni Kuya Trestof habang nakaupo kami sa buhanginan.
Kapwa namin pinapanood sila Kuya Theo na nagtatawanan sa dagat habang nakasakay sa kani-kanilang mga surfing boards at sumasabay sa alon.
"Yes, Kuya, sa gano'ng paraan ko lang daw mababayaran ang lumalaking pagkakautang ko sa kaniya," sagot ko naman habang nakatutok pa rin sa pagkuha ng video kay Kuya Theo na kasalukuyan sumasabay sa alon.
Hindi ko tuloy maiwasang mapasigaw dahil legit ngang napakahusay ni Kuya Theo sa pag-su-surf. Mula pa kanina, ilang beses na itong pumailalim sa mga alon at parang nakikipag-unahan pa siya sa mga ito.
Ang akala ko ay marunong lang siya, iyong so-so lang pero ngayon na napapanood ko siya masasabi ko na exp
