'RUSSEL GUEVARRA'
Rinig na rinig na ang malakas na tugtugan at isa-isa na ring nagdatingang ang mga invited sa birthday party ni Ninong Rafe.
Sa ingay sa labas ng Casa na nanggagaling doon sa grand balcony ay alam ko ng marami ng tao roon at malapit na ring mag-simula ang party pero kami nila Kuya Theo ay nandito pa rin sa living area ng Casa. Ang sabi kasi ni Kuya Theo ay hintayin daw namin ang Dad nila para sabay-sabay na kaming pupunta sa venue mamaya.
"Wag mo nga akong guluhin, Traven! Wala ako sa mood." Walang kabuhay-buhay kong sinupalpal sa mukha si Traven na kanina pa ako ginugulo.
"Kaya nga kinukulit kita para mabaliktad iyang nararamdaman mong pagka-badtrip," sabi naman niya habang bumabangon sa sahig. Umupo ulit ito sa couch sa tabi ko kaya umusog na lang ako palayo. Wala
