Bago sumikat pa ang araw ay umalis ang ilang miyembro ng aming pangkat para isagawa ang pag-eespiya nila sa palibot ng palasyo. Iyon kasi ang naisip namin na paraan para makakakuha ng impormasyon sa mga kilos at plano ng pwersa ni Prinsesa Aubriella.
Lalo pa na masyadong malayo ang kapital mula sa bayan ng Cait kaya naging limitado lang ang kaalaman namin tungkol sa mga natitirang demonyo sa tabi ni Prinsesa Aubriella. Kaya kailangan namin mag-ingat sa kung ano ba ang mga patibong na inihanda niya laban sa akin.
Hindi kami maaaring basta basta na lang sumugod sa kanya na hindi ito napag-iisipan at napaghahandaan man lang. Dahil sa oras na maisahan niya kami ay doon din ang magiging katapusan naming lahat.
Kaya nang makaalis ang mga miyembro namin ay sobra sobra ang pananalangin ko na m
