Labis na nabigla ang lahat sa biglaang malakas na pagsigaw at pagpupumilit ni Prinsesa Aubriella na ulitin ang buong seremonyas.
Dahil wala niisang kumilos para sundin ang nais ng pangalawang prinsesa ay malakas na hiniklat pa niya sa damit ang pari na siyang nagsagawa ng seremonyas na iyon.
"Ulitin mo nga sabi ang seremonyas!" malakas na pag-utos pa niyang sa pari.
"P-Prinsesa... H-Huminahon po kayo..." natatarantang pag-awat naman sa kanya ng ilang opisyales.
Ngunit tila naging bingi ang pangalawang prinsesa at galit na galit na itinuon niya ang tingin sa pari na kanyang hawak-hawak.
"Hindi mo ba ako narinig? Ang sabi ko ay ulitin mo ang seremonyas!" mariing pag-utos pang muli ni Prinsesa Aubriella, "Bilisan mo! Ulitin mo mula sa simula!"
Natatakot na nanginig naman ang buong kata
