"H-Ha... Haaa... Ha... Urrrgh..."
Mariing napangiwi si Sir Girard nang maramdaman ang matinding pagkirot ng dumudugo pa rin niyang sugat sa tagiliran. Alam niya na may kung anong lason o gamot na ginamit ang pangalawang prinsesa sa kanyang punyal para magpatuloy ng ganito ang pagdurugo ng sugat niya.
"Urrgh! M-Mukhang wala talagang balak na buhayin pa ako ni Prinsesa Aubriella. Mukhang inihanda niya talaga ang punyal na iyon kung sakali na mabigo siya sa plano niya," muling nasasaktang ungol pa ni Sir Girard habang mariing sapo-sapo ang sugat niya.
Aaminin niya na sobrang nanghihina na siya dahil sa kaubusan ng dugo sa kanyang katawan. Nagsisimula na rin manlabo ang mga mata niya at manginig ang kanyang mga tuhod. Kaya kung magpapatuloy ang ganitong sitwasyon ay maaari na ikamatay niya
