Napataas na lang ako ng kilay sa patuloy na pagbibigay ng banta na iyon ni Nonoi. Hindi ko alam kung saan pa ba niya hinuhugot ang mataas na kompiyansa niyang iyon. Ngayon pa kaya na wala na ang kapatid niyang sina Nora at Nobu, at siya na lamang natitira sa aming kalaban.
Anumang tingin ang gawin ko sa kanyang sitwasypn ay wala na siyang kawala pa. Na-korner na namin siya. Kaya magiging malaking himala na lang kung magawa pa niya na matakasan kami ni Sir Aziel.
"Isuko mo na ang iyong buhay," malamig na pag-utos ko pa kay Nonoi at itinutok ang talim ng aking punyal sa kanyang direksyon, "Tanggapin mo na lang na talo ka na. Sa ganoon ay hindi ganoon kahirap ang pagtanggap mo ng iyong kamatayan."
Mabilis na iniling naman ni Nonoi ang kanyang ulo para itanggi ang katotohanan na iyon. "Gra
