Hindi maipinta ang mukha ni Norfa habang isa isa na napuputol ang kanyang koneksyon sa mga kapatid.
"Graaaaaarrrrrr!" malakas at galit na galit na paghiyaw pa niya na siyang umalingawngaw at ikinayanig ng buong kapital.
Hindi na niya kaya pa na palampasin ang nangyayari. Hindi siya makakapayag na isang Suzdal na naman ang tatalo sa kanilang lahat. Isang libong taon na ang sinayang nila. Ngayon ay dumating na ang oportunidad na pinakaiintay nila. Ang pagkakataon na masakop ang buong mundo ay maghari silang lahat sa kalupaan.
Ngunit sa unti unti pagkaubos ng kanyang mga kapatid ay dumating na sa sukdulan ang galit niya. Doon ay agarang ipinagaspas niya ang kanyang mga pakpak na siyang nakagawa ng malakas na pag-ihip ng hangin at halos ikalipad ng lahat sa kanyang paligid.
"Norfa!" malaka
