Dalawang oras bago maganap ang kasal...
"Ang ganda ganda mo talaga, Binibini!" masayang masaya na pagpuri sa akin ng mga tagaayos na siyang pinapunta ni Aling Ester para sa araw na ito.
Agarang iniharap pa nila ako sa malaking salamin para matignan ko ang aking kaanyuan para sa araw na ito. Aaminin ko na hindi ko inaasahan na may ganitong ganda ako na tinatago. Kaya pinikit pikit ko pa ang mata ko para kumpirmahin kung ako nga ba ang nasa harapan ng salamin na iyon.
Hindi naman ganoong katingkad ang kalorete sa mukha ko pero dahil sa ginawang ayos sa akin ay mas kapansin pansin ang berdeng mata ko at kulay rosas kong buhok.
Idagdag pa ang nakagandang traje de boda na siyang pinagawa ng mabilisan mismo ng count para sa araw na ito. Alam ko na malaki ang ginastos ng count para rito. Mai
