Mula sa kanya-kanyang suporta at tulong na iniabot ng tagabayan sa amin ni Sir Aziel ay naging mabilis ang pagpla-plano ng aming kasal.
Kung sa ibang sitwasyon lang ito ay tila napakahirap na maisagawa ito sa ganitong kaikling panahon. Iyon nga lang ay tila mas pursigido pa ang mga ito na maitali kaming dalawa sa isang kasal sa lalong madaling panahon.
Iyon ay dahil sa mata ng mga tagabayan ay isang malaking biyaya para sa kanila ang aming kasal. At isa itong kasal na hinding hindi kayang palampasin ng kasaysayan ng kanilang bayan.
Dahil na rin kaming dalawa ni Sir Aziel ay itinuturing mga bayani ng bayan. Hindi na nakakapagtaka iyon mula na rin sa ilang ulit nilang nasaksihan na paglaya ng mga demonyo sa bayan na ito. Ilang beses na rin nalagay sa panganib ang mga buhay nila nitong m
