Sa pagdating nina Aziel ay muling nabago ang takbo ng aming paglalabanan. Gayun pa man ay hindi naintimida si Norfa sa pagdating ng mga kasamahan ko. Makikita pa nga ang sobrang pagka-kampante niya na siya pa rin ang magwawagi sa huli. Hindi niya sineseryoso sa sandali na ito na isa akong Suzdal. Na may dugo ako ng maharlika na maaaring makapanakit sa kanya.
Pero ano nga ba ang problema sa kakayahan ko ngayon?
Bakit magmula kanina ay hindi ko man lang magawang magalusan si Norfa?
Hindi kaya humihina na ang kakayahan ko mula sa ilang ulit na paggamit nito?
Malakas na napabuga muna ako ng hininga. "Maayos na ako," seryosong pagbibigay alam ko kina Sir Lennox bago umayos na ng tayo at pumorma muli para lumaban.
Nang makita nila na handa na muli ako na makipaglaban ay nagbigayan muna sil
