Sandali na natahimik si Leya at pinagkatitigan ang panibagong tatlong lamia na nakuha nila. Pagkatapos kasi ng ginawang eksena ni Raig ay mabilis na tinapos na rin nina Sir Mikko at Sir Klark ang laban nila. Kaya ngayon ay pinapalibutan ng galit na apat na pinunong kawal ang kawawang binata para pagalitan ito sa pang-aagaw ng kanilang pinapangarap na posisyon.
Dahil doon ay napailing na lang ng ulo si Leya dahil sa hindi inaasahan na kinalabasan ng kanilang usapan. Ngunit napag-alaman naman niya na pati pala si Raig ay nabigyan niya ng kanyang basbas. Kaya hindi niya alam kung sinu-sino pa ba ang nabasbasan niya ng hindi niya nalalaman.
Sa isip niya ay baka nga pati sina Count Bardoz, Kareem, Master Hassan, Aling Ester at Mang Almiro ay nakatanggap ng kanyang basbas. Ngunit siyempre hind
