"Hoy kanina ka pa tulala!"
Bumalik ang diwa ko sa sigaw ni Emily sa harapan ng mukha ko. Nasa backstage na kami ngayon, sa may private room na binigay para sa 'kin. Dalawa lang kami ni Emily, ewan ko ba kung nasaan si Asher. Siya na lang ang hinihintay at aalis na kami pabalik sa Saplot Co.
"Bakit hindi mo sinabi sa 'kin na nandito si Paulo?" Kumunot ang noo ko.
Gumulo nanaman ang utak ko, nagkabuhol-buhol na kakaisip sa mga nangyari kanina.
"I didn't know."
Inirapan ko siya. "Ano? Imposible iyon; isa ka sa tumulong para sa program na 'to. Ikaw nga ata ang na-assigned mag-asikaso sa VIP seats. Pa'nong hindi mo alam?"
"Fine." Suminghap siya. "Oo na, alam ko na. Sorry hindi ko sinabi sa 'yo, hindi ko naman alam na ganyan pa rin epekto niya sa 'yo."
My brows furrowed. "What do you mean
